Основи на верата
Кратка егзегеза на Господовата молитва „Оче наш“ – ( III ) – Дел – Заклучок –
Славословие
„Зашто, твое е Царстовто и силата и славата во сите векови!“
Амин.
Ова е славословие (благодарење), кон Бога. Иако ова ѝ е додадено подоцна на молитвата, сепак е нејзин составен дел. Ова е додадено со цел да му дадеме достојна почит и слава на Бога како вечен Цар, бидејќи Он е најмоќен и најславен.
Овие зборови најчесто ги кажуваат свештениците, додека понекогаш и мирјаните (лаиците).
Со зборовите „Зашто твое е Царството“ – се кажува за Божјото Царство, каде што на Царот, никој не може да му се спротистави. Тоа значи, дека нашиот искушувач му е покорен на Бога.
Зборот – „сила“ ја искажува Божјата семожност, а пак „славата“ – Божјата слава на небото и земјата, а зборовите „во вечни векови“ – значат дека Божјото царство, сила и слава се вечни.
Значи ние на крајот му сме целосно благодарни од дното на нашата грешна душа, на Бога, бидејќи Тој, ни е спасение и живот во сите векови. Read the rest of this entry »
Кратка егзегеза на Господовата молитва „Оче наш“ – (II) – Дел – Прозби – (седум молби)= 2
Петта прозба
„И прости ни ги долговите наши, како што и ние им ги проштеваме на нашите должници“
Долговите (гревовите) пред Бога не можат целосно да ни се простат, бидејќи ние сме вечни должници и грешници на нашиот Бог. Иако ние добиваме прошка за гревовите, ако искрено се покаеме и исповедаме, но сепак тоа простување го добиваме не по наша заслуга, туку по наше залагање (преку : пост, молитва, покајание и исповед), а по Божја милост. Бог му проштева на луѓето поради Своето големо милосрдие и човекољубие.
Тука во оваа прозба – пред сè го молиме Бог да ни ги прости гревовите (долговите кон Бога), што сме ги направиле после светото Крштение, било да се смртни или безсмртни. – Значи се обраќаме кон сèмилостивиот Бог за да му се одолжиме и со надеж, дека ќе ни ги прости нашите безаконија или гревови.
Но, за да ни ги прости Бог нашите гревови треба и ние да и ги простиме на нашите ближни, кои ни згреиле, инаку, немаме право да бараме од Бога милост и добрина, а пред сè прошка за оние кои се непристојни кон Божјиот закон, бидејќи Ако некој рече : Го сакам Бога, а го мразам својот брат, кого го видел, како може да Го сака Бога, кого не го видел (Јн. 4, 20). Овие немаат прошка и не можат да пристапуваат, ни кон Светата тајна Евхаристија (Причест). – Значи прво да се измириме со луѓето (нашите браќа), па потоа и со Бога (нашиот заеднички Отец). Read the rest of this entry »
Кратка егзегеза на Господовата молитва „Оче наш“ – (II) – Дел – Прозби – (седум молби)= 1
– Прозби –
(седум молби)
a) – „Да се свети името Твое“ ;
б) – „Да дојде царството Твое “ ;
в) – „Да биде волјата Твоја“ ;
г) – „Лебот наш насушен дај ни …“ ;
д) – „И прости ни ги долговите наши …“ ;
ѓ) – „И не нè воведувај во искушение“ ;
е) – „Но избави нè од лукавиот“ ;
Во првите три прозби се молиме за она што е Божјо (името, царството и волјата), односно за небесните дарови, а додека во останатите прозби за она што е наше (лебот, долговите …), односно Бог ги има во предвит нашите телесни потреби, па затоа оваа молитва содржи сè што ни е нам потребно за живот.
Кратка егзегеза на Господовата молитва „Оче наш“ – (I) – Дел – Призив –
Призивот – (призивање или повикување) се состои од повикување на Бога и тоа е искажано со зборовите:
„Оче наш, Кој си на небесата“
Со овие зборови ние Го повикуваме и Го презиваме Бога, нашиот Отец.
Во првите два збора „Оче наш“ се искажани две значајни мисли :
а) – Со зборот „Оче“ се кажува дека Бог е Отец, дека Он е Татко на сите, бидејќи Он го создал светот и луѓето, а и управува и не држи и сака, та и Единородниот Свој Син не го поштеди од големата љубов кон нас, кои сме синови Твои.
б) – Со зборот „Наш“ се кажува дека сите сме браќа, бидејќи сите сме синови Божји.
Овие две мисли се основни и не поврзуваат и со Бога и со луѓето, пројавувајќи љубов помеѓу себе. Ова произлегува и од сите наши благоугодни, евангелски и човекољубиви мисли, помисли, зборови, постапки, однесувања и дела.
Затоа кога ги изговараме зборовите „Оче наш“, ние треба да мислиме на Бога како на наш Отец, а на луѓето како на свои браќа. Read the rest of this entry »